,,'''කාලය හරහා සීගිරි අතීතයට....''',,
සීගිරි අතීතය අදටද අභිරහසකි. පුරා විද්‍යා කැනීම් වලින් , මූලාශ්‍ර ග්‍රන්ථ සහ ජනප්‍රවාද වලින් සීගිරි අතීතය පිලිබදව හෙලි කරගෙන ඇත්තේ අතලොස්සක් බව කියැවේ.. ලෝකයේ අටවන පුදුමය ලෙස පැවසීමටත් මෙහි ඇති ගුප්ත බව හේතුවක් වූයේ යැයි හැගේ.. සීගිරි අතීතය ගැන මා තුල වූ කුතුහලය නිසාම ඒ පිලිබද තොරතුරු සොයන්නට මා පෙලඹුනෙමි..
වැඩිමනක් ඇත්තේ මතවාදයි. එකම දෙයකට පවා මතවාද කිහිපයක්ම පවතින බව දැක ගන්නට ලැබුනි. උදාහරණයක් ලෙස සීගිරි බිතුසිතුවම් පිලිබද ඇති මතවාද දැක්විය හැකියි..
සීගිරි අතීතයට කාශ්‍යප රජුගේ කාලයට එහා ගිය අතීතයක් තිබී ඇත.. කාශ්‍යප රජ සීගිරි පර්වතය මත තම මාලිගාව තනන විට මාලිගාවක නටඹුන් හමු වූ බව කියැවේ.. ඒ රාවනා රජුගේ වාසස්ථානය වී ඇත්තේ සීගිරියයි..
කාශ්‍යප රජු පීතෘ ඝාතකයෙක් වුවත් ඔහු මහ ජනතාවගේ සහ භික්ෂූන් වහන්සේලාට ප්‍රිය රජ කෙනෙකු වී ඇත. එබැවින් ඔහු එවැනි ඝාතනයක් කර නොමැති බවටද මත පවති..
මගේ කථාංගය පිලිබද පැවසීමට ප්‍රථම, කාශ්‍යප රජ මෙම සීගිරියට පැමිනීමට හේතු වන වට පිටාව පිලිබද ඔබට කෙටියෙන් මතක් කර සිටින්නම්..
අනුරාධපුරයේ රජකළ ධාතුසේන රජුට යකඩ දෝලියකගෙන් ලත් කාශ්‍යප නම් කුමරුවකු හා අභිෂේක බිසවගෙන් ලත් මුගලන් නම්වූ පුත්තු දෙදෙනෙක් ද දුවණියක ද වූහ.. රජු තම නැගණියගේ පුත් සෙන්පති මිගාරට ඇය විවාහ කර දුන්නාය. මිගාර දිනක් තම දියණියට අමානුෂික ලෙස පහරදුන්නේ යැයි කිපුණු රජු තම සොහොයුරිය වූ මිගාරගේ මව නිරුවත් කොට පුළුස්සා මරා දමන්නට නියෝග කළේය. රජුගෙන් පළිගන්නට සිතූ මිගාර කාශ්‍යප කුමරුන් රාජ්‍ය ගැනීමට පෙළඹවූවේය. මුගලන් සේනා සංවිධානය කොට රාජ්‍යය ගැනීමේ අපේක්ෂාවෙන් ඉන්දියාවට පලා ගියේය.
මුගලන් වෙනුවෙන් ධාතුසේන රජු ධනය තැන්පත් කර ඇතැයි කාශ්‍යපට කියමින් මිගාර ධාතුසේන රජු කෙරෙහි තවදුරටත් බිඳැවීය. තැන්පත් ධනය ගැන ප‍්‍රශ්න කළ විට ධාතුසේන රජු කාශ්‍යපට කියා සිටියේ ඒ ධනය කලා වැව බවයි. ඉන් කිපුණු කාශ්‍යප සිය පිය රජු නිරුවත් කොට කලා වැවේ බැම්මට තබා මැටිගස්සවා මරා දැමීමට නියෝග කළේය.
සිය පියා මැරූ පලිය ගැනීමට සහෝදරයා වූ මුගලන් කුමරු කෙදිනක හෝ යුද්ධයට එතියි බියෙන් කාශ්‍යප සීගිරිය බළකොටු රාජ්‍යය ගොඩනැගූ බව ඉතිහාසය සාක්කි දරයි...
"""""""""""""""""""""""""""""""""""""""""""""""""""""""
මෙහිදී ඔබට පුන පුනා පැවසිය යුතු යමක් ඇත.එනම් මා මෙසේ ගෙතූ කථාංගය ප්‍රබන්ධ කතාවක් මිස සැබෑ සත්‍ය සීගිරි අතීතය නොවන බවයි..
සැබෑ සීගිරි අතීතය වර්තමානටද විශ්මයක් ඉතිරි කරමින් සැඟව ගොසිනි...
කාලය හරහා සීගිරි අතීතයට... නම් මගේ ප්‍රබන්ධ කතාව කොටස් වශයෙන් මෙලෙස ඔබ හමුවට ගෙනෙමි. :) :)
~මුදී~
No comments:
Post a Comment